Network
Baca Juga: Idul Adha Lancar dengan Mengenali Tanda-tanda Klinis PMK
Allahu akbar... Allahu akbar... Allahu akbar... walillahi alhamdu,
Hadirin jama’ah salat ‘idul adha rahimakumullah, saking peristiwa kasebat kito saged mendhet hikmah, ing antawisipun:
Hikmah pertami, tiyang ingkang ngibadah utawi taqarrub dhateng Allah mesthi bakal nompo ujian ingkang mboten gampil. Kados ingkang dipunsanjangaken Imam Ghozali lebeting kitobipun minhajul ‘abidin:
عًنِ الْخًيْرِ وَمُخَالَفَةُ الْهَوَى وَقَهْرُ النَّفْسِ مِنْ اَشَدِّ اْلاُمُوْرِ عَلَى الْاِ نْسَانِ
Artosipun: Babar pisan mboten wonten ibadah, kejawi saat ngibadah mesthi wonten perasaan ingkang berat, sehingga ibadah mboten bakal saged nglampahaken kejawi kelawan ngempet hawa nafsu. Nglayani syahwat lan mekso syahwat inggih meniko perkoro terberat lebet dhiri manungsa.
Baca Juga: Ngaji Jiwa Jawi; Memaknai Falsafah Filosofi Pacul
Hikmah kaping kalih, kala Iman lan takwa kito badhe dipun-angkat dening Allah, mila Allah bakal nguji kito langkung rumiyin. Saya inggil iman lan takwa kito, mila saya ageng ujian ingkang badhe dipuntampi.
Nabi Muhammad SAW nate tangleti dening sahabat Sa’ad bin Abi Waqos: “Ya, Rasulullah, sinten tiyang ingkang paling abot nampi ujian saking Allah ing donya meniko?” Nabi Muhammad jawab:
اَشَدُّ بَلَإءً اَلْاَنْبِيَاءُ ثُمَّ الْعُلَمَاءُ ثُمَّ اْلاَمْثَلُ فَالْاَمْثَلُ
